TESTO
Ho giügaa i mè caart tra i piaant de rusmarìn e la rüdèra
cui pügnatoni nel ventru dela sira
in pee, ma cun l'umbrìa sempru in genöcc
Ho purtà in giir el mè coeur cumè un sedell tütt pièe de boeucc
cumè se porta in giir un can de nòcc
mea per passion ma perché 'l spurca 'l tapee
E una quai volta sun naa a catà i fiuu
per fach piasee a una dona, per fach almenu pena
E una quai volta sun naa a catà i fiuu
per fach dispett a un praa, se lee te varda meña
Ma la Breva la firma i cipress e buffa via la pulver de quell che vurevi vess
perché 'l teemp l'è un cunili che scapa ma l'è anca 'l can che ghe curr adrèe
E voo innànz a rüzzà la mia biglia finché, finché gh'è tera lee la voeu rutulà
Cun un plettru e una pastiglia, la mia biglia in sacòcia... la porterò a ca'
E ho speciàa i marziani con la tüta culuràda
i fantasmi in mezz ai pràa de l'autostrada
e ho mea capìi che quaivedün speciava me
Püssee agitàa de la cùa che ho destacàa de una lüserta
cunt i oecc saràa e la pata verta
per disegnàa l'amuur perfett in sül sufìtt
E una quai volta sun naa a catà i fiuu
per strepàgh via i culuu, per dì "m'ama non m'ama"
E una quai volta sun naa anca a catà i fiuu
per diruttàa 'l prufoeumm, induè gheva dumà merda
Ma la Breva la firma i cipress e buffa via la pulver de quell che vurevi vess
perché 'l teemp l'è un cunili che scapa ma l'è anca 'l can che ghe curr adrèe
E voo innànz a rüzzà la mia biglia perché finché gh'è tera lee la voeu rutulà
Cun un plettru e una pastiglia, la mia biglia in sacòcia... la porterò a ca'
E adess son chì a vardà i pass in mezz al pràa
inzema ai fiuu che questa volta ho mia strepàa
e nel veent... me piàas vedej balà...
ALBUM E INFORMAZIONI
La canzone Long John Xanax si trova nell'album Yanez uscito nel 2010 per Universal Music Italy.
![Copertina dell'album Yanez, di Davide Van De Sfroos](https://rockitecn.nohup.it/thumb333x333/copertine/15330/copertina-dellalbum-yanez-di-davide-van-de-sfroos.jpg)
---
L'articolo Davide Van De Sfroos - Long John Xanax testo lyric di Davide Van De Sfroos è apparso su Rockit.it il 0000-00-00 00:00:00
COMMENTI