TESTO
'E PPAROLE
(testo: A. Sollo, C. Domestico; musica: C. Domestico, P. Faccini)
'E pparole so' pprete 'e fummo
ca' se squagliano ‘int’'e mmane
acqua fredda e ggelata 'e ciummo
quanno jesceno 'a vocca ô 'nfame
'e pparole so' lluce 'e stelle
o' calore 'e nu raggio 'e sole
quanno so’ pparole belle
'e chi parla 'na vota sola
te po' accidere 'na parola
te po' mettere suggezzione
nun se 'mparano 'int' ‘a scola
'e pparole pe' 'e ccanzone
'na parola po' ffa’ guaje
comme è gghiuto e comme è vvenuto
sulo 'a morte nun parla maje
‘e l'ammore quanno è ffernuto.
‘e pparole so’ bbenedizione
Song’ ‘a forma d’ ‘e penzieri
parla ‘o core e parla buono
quanno l’uocchie tuoje nun vede
ma ‘e pparole so’ mmuntagne
addò sbatte forte ‘o viento
tiempo brutto ca nun cagna
quanno i’ parlo e nun me siente
te po' accidere 'na parola
te po' mettere suggezzione
nun se 'mparano 'int' ‘a scola
'e pparole pe' 'e ccanzone
'na parola po' fa’ guaje
comme è gghiuto e comme è vvenuto
sulo 'a morte nun parla maje
‘e l'ammore quanno è ffernuto.
PLAYER
Premi play per ascoltare il brano 'e pparole di Gnut:
CREDITS
Gnut: voce, chitarra acustica
Ilaria Graziano: voce
Simone Prattico: batteria
Michele Signore: mandoloncello
Piers Faccini: chitarra acustica 12 corde, chitarra elettrica, basso, dulcimer, harmonium
ALBUM E INFORMAZIONI
La canzone 'e pparole si trova nell'album Nun te ne fa' uscito nel 2022 per Audioglobe, Beating drum.
---
L'articolo Gnut - 'e pparole testo lyric di Gnut è apparso su Rockit.it il 2022-09-12 17:31:25
COMMENTI