Gnut - Nun te ne fa' testo lyric

TESTO

Nun te ne fa’
(testo: A. Sollo; musica: C. Domestico)

Nun te ne ‘ncarica' si sto bbuono
Si ancora traso e gghiesco a 'nt’ ‘e ppaure
Si ancora parlo ‘e te dint’e ccanzone
E ‘o cielo m’appaura quanno è scuro

Nun te ne ‘ncaricà si nun so’ ccagnato
Si ancora so’ n’auciello ca nun vola
‘e nnotte ca me sento sgarrupato
‘e zitto aspetto ca se sceta ‘o sole

Ma che te ‘o ddico a fa’
Ca so' tant’anne
Ca faccio sempe 'e diébbete cu' ‘e suonne
Ca ‘ncuollo metto sempe ‘e stessi panne
Ca faccio male 'e cunte e ppo’ arrefonno

Nun te ne ‘ncaricà si me coce
‘o sango quanno scorre dint’ ‘e vvene
è ‘a freva ca me saglie doce doce
si penzo ca te voglio ancora bbene

Ma che te ‘o ddico a fa’
Ca so' tant’anne
Ca' faccio sempe 'e diébbete cu’ ‘e suonne
Ca' ‘ncuollo metto sempe ‘e stessi panne
Ca' faccio male e cunte e ppo’ arrefonno
Ma tu nun te ne fa’
So’ ssule fatte mi’
So’ ccose ca' succedono a stu munno
A cchi passa ‘e juorne miezo â via
Cercanno n’ato ammore
Senza funno
Senza funno