TESTO
A l'han trovàa distes in mezz a i orti
i oeucc a eren ross e un poo sversàa
me piasaria savè chi l'è quel ostia
che al me gatt la panscia al g'ha sbusàa.
L'era insci bell, insci simpatich
negher e bianch, propri on belée
se ciapi quel che l'ha copàa
mi a pesciàa ghe s'ceppi 'l dedrée.
I amis m'han dit «L'è stada la Ninetta
quella cont la gambetta sifolina
l'emm vista in mezz a i orti ier matina
che la lumava 'l gatt cont on cortel».
L'è malmostosa, de bruta cera,
e l'ha g'ha on nas svisser e gross
vedella in gir fa propi péna
e tucc i fioeu ghe dann adoss.
Incoeu a l'hoo spetada in via Savona
dopo mezzdì, quand lee la torna a cà
ghe sont rivàa adrée a la barbona
e su la gamba giusta giò legnàa.
Ho sentù on crach de ossa rott
l'è 'ndada in terra come on fagott
lee la vosava «oi mamma mia»
me sont stremì, sont scapàa via
Stasera voo a dormì al riformatóri
in quel di Filangieri al numer duu
m'han dàa del teddy-boy, del brutt demoni
mi sont convint istess d'avegh reson.
Se g'hoo de divv, o brava gent
de la Ninetta me frega niént
l'è la giustissia che me fa tort
Ninetta è viva, ma el gatt l'è mort,
l'è la giustissia che me fa tort
Ninetta è viva, ma el gatt l'è mort.
ALBUM E INFORMAZIONI
La canzone El me gatt si trova nell'album Antologia uscito nel 2009 per Ala Bianca Group.
![Copertina dell'album Antologia, di Ivan Della Mea](https://rockitecn.nohup.it/thumb333x333/copertine/12870/copertina-dellalbum-antologia-di-ivan-della-mea.jpg)
---
L'articolo Ivan Della Mea - El me gatt testo lyric di Ivan Della Mea è apparso su Rockit.it il 2010-03-09 00:00:00
COMMENTI